ინვესტირება გავლენისთვის არის შესაძლებლობა, მონაწილეობა მიიღოთ მდგრადი და გრძელვადიანი გავლენის შექმნაში და ხელშესახები სარგებელი მოუტანოთ როგორც ადამიანებს, ისე ჩვენს პლანეტას. 

გავლენის ფონდში ინვესტირებით თქვენ მხარს უჭერთ სულ მცირე 10 სოციალური საწარმოს გაძლიერებას და ხელს უწყობთ გაეროს მდგრადი განვითარების მიზნების (SDG) მიღწევას.  გავლენაზე ორიენტირებული ინვესტირების მიდგომების გამოყენება, ერთჯერად, წერტილოვან საქმიანობებთან შედარებით, იძლევა მეტად მასშტაბური სოციალური და გარემოსდაცვითი გავლენის შექმნის შესაძლებლობას.

გავლენაზე ორიენტირებული ინვესტირება (Impact Investing) მთელს მსოფლიოში სწრაფად მზარდი სფეროა. გავლენაზე ორიენტირებული ინვესტირების გლობალური ქსელის (GIIN) თანახმად, გავლენის მქონე ინვესტიციების ბაზარი მსოფლიოს მასშტაბით 1.164 ტრილიონ დოლარს შეადგენს. აქციოს საქმიანობაში წვლილის შეტანა შესაძლებლობას გაძლევთ გახდეთ მასშტაბური ეკოსისტემის ნაწილი და  დადებითი სოციალური და ეკონომიკური ცვლილებების მონაწილე.