ეკა ურუშაძე საქართველოს სტრატეგიული კვლევებისა და განვითარების ცენტრის (CSRDG) აღმასრულებელი დირექტორი და დამფუძნებელია. ორგანიზაცია მდებარეობს თბილისში, თუმცაღა მისი საქმიანობა ფარავს მთელს საქართველოს. სამოქალაქო სექტორში 27 წლიანი წარმატებული კარიერის მანძილზე, ეკას უმუშავია სხვადასხვა მენეჯერულ პოზიციაზე, როგორც ადგილობრივ ისე ცენტრალურ და საერთაშორისო დონეზე - აღმოსავლეთ პარტნიორობის ქვეყნების მასშტაბით. ეკას ექსპერტიზა ასევე მოიცავს თემის განვითარების, ორგანიზაციული განვითარებისა და ფინანსური მენეჯმენტის სფეროებს.

ქრისტინეს სამოქალაქო სექტორში მუშაობის 8 წლიანი გამოცდილება აქვს. საქართველოს სტრატეგიული კვლევებისა და განვითარების ცენტრში იგი ამჟამად გავლენის ფონდ „აქციოს“ მენეჯერის პოზიაციას იკავებს.

ქრისტინეს აქვს პროექტების დაგეგმვის, შემუშავების, მართვისა და შეფასების 5 წლიანი გამოცდილება. 2021 წლიდან ის უძღვება ევროკომისიის მიერ დაფინანსებული საერთაშორისო პროექტის, "თანამშრომლობა დადებითი ცვლილებებისთვის" საქართველოს კომპონენტს.

მისი ექსპერტიზა აგრეთვე მოიცავს საზოგადოებრივი ორგანიზაციებისა და სოციალური საწარმოებისთვის საჭიროებებზე მორგებული ორგანიზაციული განვითარების მომსახურების, კონსულტაციებისა და ტრენინგების მიწოდებას.

ქრისტინე ფლობს ბაკალავრისა და მაგისტრის ხარისხს შრომის და ორგანიზაციული ფსიქოლოგიის მიმართულებით.

ეკა დათუაშვილი 1995 წლიდან საქართველოს სტრატეგიული კვლევებისა და განვითარების ცენტრის გუნდის წევრი და თანადამფუძნებელია, 2009 წლიდან კი სოციალური მეწარმეობის განვითარების პროგრამის კოორდინატორი.

ეკას აქვს სამოქალაქო, სამთავრობო, საგანმანათლებლო და სათემო ორგანიზაციების გაძლიერებაზე მუშაობის 24 წლიანი სამუშაო გამოცდილება.

სოციალური მეწარმეობის გაძლიერების ხელშესაწყობად, ეკამ გააღრმავა ურთიერთობები სამთავრობო ინსტიტუტებისა და ბიზნეს კომპანიების წარმომადგენლებთან, რათა თანამშრომლობის სფერო უფრო მეტად გაფართოებულიყო და ამით კონცეფციის მდგრადობა ყოფილიყო უზრუნველყოფილი.

ანა ილურიძეს აქვს სამოქალაქო და საჯარო სექტორში მუშაობის 13 წლიანი გამოცდილება.

2017 წლიდან, ანა იკავებს საქართველოს სტრატეგიული კვლევებისა და განვითარების ცენტრის (CSRDG) გრანტებისა და პორტფელის მენეჯერის პოზიციას, 2023 წლიდან კი ანამ გავლენის ფონდ აქციოს პორტფელი ჩაიბარა. მისი საქმიანობა მოიცავს სოციალური საწარმოების დაფუძნების და გაძლიერების ხელშეწყობას, საგრანტო კონკურსების, საგანმანათლებლო და საკონსულტაციო აქტივობების მეშვეობით.

ანა ფლობს ბიზნესისა და მენეჯმენტის ბაკალავრის ხარისხს და მაგისტრის ხარისხს სოციალური ფსიქოლოგიის მიმართულებით.

ნინი ხუგაშვილს აქვს მედიასა და საზოგადოებათან ურთიერთობის მიმართულებით მუშაობის 15 წლიანი გამოცდილება.

2022 წლიდან, ნინი იკავებს საქართველოს სტრატეგიული კვლევებისა და განვითარების ცენტრის (CSRDG) კომუნიკაციების მენეჯერის პოზიციას. 2023 წლიდან  არის გავლენის ფონდ „აქციოს“ კომუნიკაციების მენეჯერი. ფონდში მისი საქმიანობა ორგანიზაციის სტრატეგიული კომუნიკაციების მართვას მოიცავს.

ნინი ფლობს სოციალური მეცნიერების ბაკალავრის ხარისხს ჟურნალისტიკის, ხოლო მაგისტრის ხარისხს საზოგადოებასთან ურთიერთობის მიმართულებით.