სამართლებრივი ფორმა

• არამომგებიანი (არასამეწარმეო) იურიდიული პირი;
• სამეწარმეო იურიდიული სტატუსის მქონე ორგანიზაცია (მაგ: შპს, კოოპერატივი), რომლის სადამფუძნებლო და საწესდებო დოკუმენტში ნათლად ჩანს სოციალური მისიის უპირატესობა.

ეკონომიკური კრიტერიუმები

• სოციალური საწარმო უნდა იყოს ეკონომიკურად აქტიური სულ მცირე ბოლო
  2 წლის მანძილზე;
• სულ მცირე ბოლო 1 წლის მანძილზე სოციალურ საწარმოს შემოსავლების მინიმუმ 80% მიღებული უნდა ჰქონდეს სამეწარმეო საქმიანობიდან, გაყიდვებიდან. ძირითადი საშუალებებისთვის მოზიდული ფინანსური მხარდაჭერის გათვალისწინება აღნიშნულ 80%-ში არ მოხდება;
• სოციალური საწარმოს გაყიდვებიდან მიღებული შემოსავალი ბოლო 12 თვის მანძილზე უნდა შეადგენდეს სულ მცირე 30,000 ლარს;
• სოციალური საწარმო მოგების სულ მცირე 70%-ს უნდა ხარჯავდეს სოციალური მიზნის მქონე საქმიანობებისთვის ან ახდენდეს მის რეინვესტირებას საწარმოს განვითარებაში.

სოციალური კრიტერიუმები

• სოციალურ საწარმოს მიღწეული უნდა ჰქონდეს მისიის შესაბამისი სოციალური შედეგები და უნდა შეეძლოს მათი ფაქტობრივი ინფორმაციით დადასტურება.

სოციალური საწარმოს გუნდი

• სოციალურ საწარმოს უნდა ჰყავდეს სულ მცირე 3 მუდმივი ანაზღაურებადი თანამშრომელი.